Конечно и тие што не знаат дали биле во контакт со заразен ќе добијат државен тест за Ковид 19!

Комисијата за заразни болести имајќи ја предвид моменталната епидемиолошка состојба и фазата на епидемијата во која се наоѓаме, на вчерашниот состанок одлучила да се измени алгоритамот за тестирање за коронавирус, кој досега не беше поволен за оние што не знаат или не можат да посочат со кое заразено лице биле во контакт. Имено, од вчера, државен тест ќе може да добијат и тие луѓе со горнореспираторна инфекција а кои не знаат, немаат информација или не се сигурни дека биле во контакт со потврден или сомнителен случај.

Прашањето кое досега им беше поставувано на граѓаните кои се обидуваа на државно да добијат тестирање поради симптоми а кое гласеше ,,Дали сте имале контакт со потврден случај на растојание поголемо од два метри или пократко од 15 минути”, комплетно се отфрла од прашалникот и се заменува со ,,немате информации или не сте сигурни дека сте биле во контакт со потврден или сомнителен случај.”

Со ова прашање се опфаќаат сите пациенти кои немаат информација дека биле во контакт со сомнителен или потврден случај. За ова се информирани сите матични лекари.

На начин што се променува алгоритамот на тестирањето, се анулира можноста системот да ги отфрли лицата што имаат симптоми а не можат со сигурност да потврдат дека биле во контакт со заразен.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот