КОНЕЧНА ОДЛУКА: Трамп мора да поднесе даночни пријави за последните осум години
Сметководителите на Доналд Трамп мора да ги поднесат даночните пријави од последните осум години до обвинителите во Њујорк, одлучи денеска Апелациониот суд, нанесувајќи нов удар на напорите на Трамп со цел да ги прикрие своите финансии.
Пресудата им овозможува на обвинителите да издадат обврзувачки наредба на компанијата „Marazr LLP“ да ги предаде документите.
Трамп се соочува со уште една истрага
Претседателот на САД може да ја обжали одлуката до Врховниот суд, каде доминираат конзеративци, а од нив двајца судии ги именувал лично Трамп.
Обвинителот на Њујорк, демократот Сајрус Ванс, ги побарал личните и деловните даночни пријави на претседателот Трамп од 2011 до 2018 година, во склоп на истрагата за приватниот бизнис на претседателот и неговото семејство.
Трамп, кој изгради цела империја на недвижнини преку неговата компанија во Њујорк, пред да влезе во Белата куќа, се соочува и со истрага за евентуално отповикување во Претставничкиот дом на Конгресот, кој е под контрола на демократите.