„Концерт во изолација“ на Дино Имери во Музејот на македонската борба
Реномираниот македонски пијанист Дино Имери, на иницијатива на Даниела Николова и Музејот на македонската борба, ќе настапи на „Концерт во изолација“ (без присутна публика). На концертот ќе бидат изведени дела од Бетовен, Рахмањинов, Брамс и Дебиси, ќе се одржи на 9 мај, во 18 часот, и ќе биде пренесуван во живо преку фејсбук-страницата на музејот.
– На програмата се дела што ми се многу блиски на срце, музика што ни е потребна на сите нас во овие денови. Премиерна изведба ќе доживее аранжманот за пијано на Дијана Имери Илкоска од првиот став на Брамсовата втора симфонија, но и неколку други музички изненадувања. И не заборавајте, уметноста е имуна на сите болести, уметноста е вечна. Останете дома и уживајте во оваа музичка приказна! – најави Дино Имери.
(Текстот е објавен во „Културен печат“ број 30, во печатеното издание на „Слободен печат“ на 9-10 мај 2020)