„Јас на својот Фејбук профил напишав една порака поради која бев изложен на критики, кои не беа само критики за мене, туку и за вкупната моја работа и на стручниот тим. Напишав дека навистина треба да ја преземе некој кој може тоа да го прави. Зошто тоа ниво на безбобразност го надмина она што би можело да се прифати. Тоа е едната страна на таа приказна. Го напишав тоа на Фејсбук кој не е за јавноста. Покрај тоа ме погоди и молбата на СПЦ за која уште ќе зборуваме затоа што целосно го негира се она што е досегашен обид да се спаси живот. Сфаќајќи дека во јавноста има неразбирање на тие мерки, јас сфатив дека треба да се тргнам“; рече д-р Предраг Кон и додаде дека бил на разговор кај српскиот претседател Александар Вучиќ и премиерката Ана Брнабиќ.

Како што истакна, „свесен е дека има професионална обврска да продолжи со работата во кризниот штаб и чувствува должност тоа да го објасни“.

– Нападите на Кризниот штаб постојат веќе одредено време, некогаш и мене тоа ми беше симпатично. Меѓутоа, со случувањата во Геронтолошкиот центар во Ниш станаа неприфатливи. Како да се здружиле во борбата со коронавирусот против нас кои се боруме против коронавирусот. Тоа за мене е неприфатливо. Но, всушност знаете што, повеќе на тоа нема да се навраќам воопшто. Тоа се луѓе кои имаат време да ги напаѓаат сите оние кои сериозно работат. Бранењето од тоа е пораз. Тоа мора да се игнорира – истакна Кон.