Ајакс по вторпат со 2:0 го совлада АПОЕЛ, потоа Клуб Бриж двапати беше подобар од ЛАСК Линц, а Славија Прага од Клуж.

Познати се сите екипи кои што ќе играат во групите од Лигата на шампионите за сезоната 2019/20, а ждрепката во Монако е в четврток (29 август) од 18.00 часот.

Сезонава имаме двајца македонски интернационалци во елитата, Елиф Елмас кој летово дојде во Наполи, и Аријан Адеми кој е капитен на Динамо Загреб.

Како изгледаат шеширите пред извлекувањето на групите за ЛШ?

Шешир 1

Ливерпул (Англија)
Челзи (Англија)
Барселона (Шпанија)
Манчестер сити (Англија)
Јувентус (Италија)
Баерн Минхен (Германија)
ПСЖ (Франција)
Зенит (Русија)

Шешир 2

Реал Мадрид (Шпанија)
Атлетико Мадрид (Шпанија)
Борусија Дортмунд (Германија)
Наполи (Италија)
Шахтјор (Украина)
Тотенхем (Англија)
Ајакс (Холандија)
Бенфика (Португалија)

Шешир 3

Олимпик Лион (Франција)
Баер Леверкузен (Германија)
Салцбург (Австрија)
Олимпијакос (Грција)
Клуб Бриж (Белгија)
Валенсија (Шпанија)
Интер (Италија)
Динамо Загреб (Хрватска)

Шешир 4

Локомотив Москва (Русија)
Генк (Белгија)
Галатасарај (Турција)
Лајпциг (Германија)
Славија Прага (Чешка)
Црвена Звезда (Србија)
Аталанта (Италија)
Лил (Франција)

Првите натпревари од групната фаза ќе се играат на 17/18 септември. Во текот на ждрепката се очекува да биде прогласен фудбалерот на годината, потоа фудбалерка на годината, најдобар голман, дефанзивец, играч од средниот и напаѓач за сезоната 2018/10 во Лигата на шампионите.