Компаниите пројавуваат поголем интерес за повторениот тендер за автопатот Скопје-Блаце

Најмалку две компании се заинтересирани за изградба на првиот дел од автопатот Скопје – Блаце на повторениот тендер, што трае до 29 месецов, и има време да се пријавуваат, информира денеска премиерот Зоран Заев.

Тој истакна дека ова прв е приоритет за изградба и оти очекува тендерската постапка да успее, откако на претходната што беше поништена имаше само една понуда која го надмина предвидениот буџет за таа јавна набавка.

– Апелиравме до соседните земји, до домашните компании да се јават сите нивни градежни компании. Верувам дека овој пат ќе успее тендерската постапка која што завршува во втората половина на ноември. Не ни треба нешто посебно да чекаме, зима да помине или не, можеме од декември и во јануари веднаш ако се заврши жалбената постапка и потпише договорот да се почне првиот дел на делницата Скопје – Блаце. Целта беше да се почне првиот дел, а додека се гради првиот дел веднаш да биде објавен и вториот дел за којшто очекуваме некаде февруари, март, април да биде објавен вториот тендер за да може да почне изведба и на останатите 9,7 километри, изјави Заев, одговарајќи на новинарски прашања.

Прочитајте и...  Чулев: Управен суд ја поништи одлуката на Влада за 88 распоредувања во МВР

Немаме, дополни, друг автопат за градење во државата, завршува Кичево – Охрид, сериозно работиме на проектната документација со ЕБРД за новото автопатско решение Гостивар – Кичево, се градат експресните и регионалните патишта во државата, дефинитивно ова е прв приоритет за изградба и верувам успешноста на оваа втора постапка.

Според директорот на ЈП за државни патишта Зоран Китанов, за Скопје – Блаце има многу поголем интерес од претходно и очекува до истекот на тендерот да има добри понуди.

– Потоа ќе следи евалуација од пет до седум дена и разгледување на документацијата. Десет дена има рок на жалба и изведувачот се воведува во работа. Во меѓувреме додека ова се работи се проектира останатиот дел, каде што има тунели, мостови, вијадукти. Верувам дека додека се гради првиот дел, ќе заврши проектирањето на вториот дел веднаш ќе се тендерира и континуитетот на градење ќе се продолжи и ќе заврши, рече Китанов.

Автопатот, во вкупна должина од 12,5 километи, од кои првиот дел од два километра, ќе чини 110 милиони евра, а треба да биде изграден до 2023 година.

Како што информираше Китанов, Градежниот факултет од Скопје доставил 16 ревизии на дополнителните проекти на автопатот Кичево-Охрид без кои не беше возможно да се работи на делови од постојниот проект.

Прочитајте и...  Од новите 35 случаи со Ковид - 19, 22 се од Чаир, Бутел, Аеродром и Шуто Оризари

На терен, како што вели, на автопатотот се работи со многу голем интензитет и веќе се асфалтирани шест седум километри од автопатот и се планира напролет да бидат готови.

– Од Градежниот факултет вчера пристигнаа 16 ревизии на дополнителните проекти, а петходно беа доставени уште четири. Со тоа веќе ќе се отвори широк фронт да се работи на постоечкиот дел, но и на сите дополнителни работи бидејќи без нив не е возможно да се работи на постојниот проект. Како што сум информиран, веќе шест-седум километри на делот од Струга према Охрид се асфалтирани и сообраќајот треба да се пренасочи на новата траса за да се направи асфталтен дел на старата траса. Сакаме напролет да имаме готови седум километри, како што и друг пат сме спомнале, да не чекаме 2021 да се пушти целиот автопат, туку како што ќе бидат готови пет, седум, десет, веднаш да се пуштаат, изјави Китанов, одговарајќи на новинарски прашања по отворањето на Првиот конгрес за патишта.

Прочитајте и...  „Фарми на тролови“ од Македонија дел од група која објавува најмногу лажни вести за Ковид-19

За автопатот ќе се обезбедат и дополнителни 179 милиони долари, за што е во собраниска процедура закон за заем од кинеската Ексим банка. Вкупната вредност на овој проект изнесува 684,7 милиони долари. Потребата за обезбедување на дополнителни 179 милиони долари, според Владата, произлегува од непредвидени и дополнителни работи за тунелот Пресека, за широк ископ и санација на свлечишта, непредвидени и дополнителни работи за изградба на осум денивелирани патни јазли: клучки и еден алтернативен пат од Врбјани до патен јазол Арбиново. Заемот за кој ќе се склучи договор со кинеската Ексим банка е со рок на отплата од 20 години, грејс период од пет години и фиксна каматна стапка од два проценти на годишно ниво.

За еден месец, според директорот на ЈПДП, треба да биде готов проектот за делницата Кичево – Букојчани, прва од предвидените три на автопатот Гостивар – Кичево. – За тој дел веќе имаме грант од ЕБРД во износ од околу 17 милиони евра и три милиони евра има плус за проектирање на останатиот дел, а во меѓувреме Владата си преговара со ЕБРД за останатиот дел од кредитот, информира Китанов.

Прочитај повеќе

Италија предупредува: ЕУ ќе се распадне доколку Италијанците ги смета за лепрозни

Слободен печат

ЕУ до САД: Преиспитајте ја одлуката за повлекувње од СЗО

Слободен печат

Ова е новиот лик на Клиничкиот центар во Скопје (ФОТО)

Слободен печат

Забава во Шпанија скапо го чини белгискиот принц, се заразил во ковид-19

Слободен печат

Папата отвора летен камп за децата на вработените во Ватикан

Слободен печат

Талибанците не мируваат: Бомбашки напад врз ТВ екипа!

Слободен печат

Остави Коментар

Прочитај повеќе

„Спејс икс“ успешно ја лансираше ракетата „Фалкон 9″ (ВИДЕО)

Слободен печат

Запознал девојка на „Тиндер“, ја довел дома и брутално ја убил, потоа сам повикал полиција (ВИДЕО)

Слободен печат

Во Италија 111 смртни случаи од коронавирусот, 416 новозаразени

Слободен печат

Драма на небото над Индија: Авион вратен во Москва, пилот бил позитивен на корона

Слободен печат

Афера „респиратори“: Обвинителството на БиХ бара притвор за премиерот Фадил Новалиќ

Слободен печат

Трамп ги предупреди демонстрантите: Соберете се пред Белата Куќа, но ќе ве пречекаат најжестоките кучиња

Слободен печат