„Комити“ до Вардар: Како да сме аматерски клуб..! – Слободен печат
СпортФудбал

„Комити“ до Вардар: Како да сме аматерски клуб..!

Навивачката група на „црвено-црните“ се исто така разочарани од стартот на сезоната, но и натаму веруваат во своите миленици и од нив бараат поголема храброст на терените.

Вардарци во шампионатот најпрвин загубија од Македонија ЃП (0:2), а потоа ремизираа со новиот прволигаш Борец (0:0), загрижува тоа што и натаму се чекаат првите голови во новата сезона.

По подолго време се враќаат на Националната арена „Тодор Проески“, в сабота се домаќини во градското дерби со Работнички од 17.00 часот. Секако на овој терен ги имаат забележано најголемите успеси во својата богата историја.

Добри резултати на домашен терен очекуваат и нивната навивачка група „Комити“ каде што исто така владее разочарување од досегашните резултати, но и натаму од трибините ќе ги бодрат своите миленици.

Фото: ФК Вардар

Во пресрет на новиот прволигашки мечеви, „Комити“ се огласија со своето соопштение:

– Во првите две кола видовме тим и играчи кои го носат дресот на Вардар, но ангажман, борбеност и посветеност како да сме аматерски клуб на ревијални натпревари.
Знаеме дека не сме засилени, но костурот на тимот е задржан, знаеме дека сме кадарни за високи дострели а сепак имаме тешки нозе и бариери во главата, недоверба во сопствените можности, неверување дека можеме затоа што се е во главата…

Нам резултатите не ни влијаат на присуството, но ни влијаат на расположението на трибина, затоа подарете ни го чувството дека знаете каде играте и што бараме од секој натпревар дури и кога тоа не е победа туку желба за истата и труд за остварување. Ние веруваме во вас, верувајте и вие во самите себеси! –

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close