Во исто време, можна е и алтернативна казна – одржување на еден натпревар како домаќин без публика, бидејќи висината на паричната казната е премногу мала.

Барселона може да биде казнета со само 300 евра заради водење преговори со Антоан Гризман, кога тој имаше важечки договор со Атлетико Мадрид.

За потсетување, Гризман се пресели во Барселона пред почетокот на оваа сезона за 120 милиони евра, но Каталонците започнаа преговори со него уште на крајот на минатата сезона.

Францускиот интернационалец сезонава во шпанската „Ла Лига“ има досега два голови реализирани против екипата на Бетис.

Во првите четири кола Барса одигра „топло-ладно“ и моментно е на петтата позиција со седум бодови, три помалку зад лидерот Севиља.