Поради пандемијата на коронавирус најверојатно фудбалската јавност ќе почека на големите трансфери на пазарот во Премиер лигата. Њукасл наскоро треба да добие нов сопственик, постои секоја шанса дека конзорциумот од Саудиска Арабија, на чело со тамошниот принц ќе го преземе англискиот клуб.

Медиумите побрзаа со откривањето околу тоа кој од големите имиња ќе стигне на северот на Англија, па така се дојде до играчи и како Пауло Дибала и Филипе Кутињо. Сепак, колку е навистина реално тоа да дојдат овие играчи на „Ст. Џејмс Парк“ ова лето?

„Спортбајбл“ известува дека во случај на преземање на клубот, Арапите ќе потрошат меѓу 150 и 200 милиони евра во првиот преоден рок. Ова е помалку од она за што се најавуваше во изминатиот период, но доволно за три или четири големи имиња.

Сега се шпекулираат и Герет Бејл, Единсон Кавани и Калиду Кулибали, но малку е веројатно дека новите сопственици ќе потрошат многу пари уште во првата сезона како газди на Њукасл.

Воедно и финансискиот фер-плеј (кој носи и суспензија) стои на патот да го направат тоа.