Колку долго смее да се чува храната во фрижидер?
Имате чувство дека премногу храна фрлате и се прашувате колку долго е препорачливо одредена храна и продукти да се чуваат во фрижидер? Еве листа што ќе ви помогне да заштедите пари и да си го олесните купувањето и складирањето производи.
Наведената листа е за чување производи во фрижидер на одредена температура од приближно 4,5 степени Целзиусови, но треба да обрнете внимание и на тоа дека рокот на траење на храната и на производите зависи од нивната свежина во моментот на купувањето.
Најдолго во фрижидер до шест месеци може да се чува неотворено пакување кашкавал, а путерот три месеци, додека маслинките и киселите краставички ќе бидат добри за јадење до еден месец.
Свежите јајца ќе ви траат три до пет недели. Сирењето ако е затворено во оригиналното пакување, ќе издржи до еден месец, додека отворено најдобро е да го изедете во рок од две недели.
Варените јајца и обарената сланина фрлете ги по една недела во фрижидер, додека по 3-5 дена истото сторете го со печено месо, тесто за леб, варена риба, компир пире, варено месо и варен сос.
Колку и да ви се чини мала разликата од само еден ден, по 2 до 3 дена не се за јадење – супи, варива, овошни пити или пита од тиква.
Свежата риба и месо ако не ги зготвите во рок од 1-2 дена, не помислувајте да ги замрзнете и да ги оставите за друг пат. Фрлете ги бидејќи најлесно можете да се затруете.
Отворено шише вино се чува еден до два дена, а потоа веќе го губи вкусот и освен за готвење некој сос, не ви препорачуваме да го пиете.