Колку чини најмалиот SUV во гамата на Mercedes-Benz? – Слободен печат
АвтомагазинМагазин

Колку чини најмалиот SUV во гамата на Mercedes-Benz?

Компанијата веќе започна да прифаќа нарачки во Германија, каде кросоверот е достапен за продажба.

Моделот Mercedes-Benz GLB ќе се појави на европските саеми подоцна во оваа година, но компанијата веќе започна да прифаќа нарачки во Германија, каде кросоверот е достапен со почетна цена од 37.700 евра.

За споредба, моделот GLA, кој повеќе личи на градски луксузен автомобил, започнува од 30.333 евра, а поголемиот GLC започнува од 46.467 евра на германскиот пазар. Во САД, основните верзии на овие два модела се 33.950 и 40.700 долари, соодветно.

Единствените бензински мотори кои се достапни на почетокот на продажбата се 1,3-литарскиот со 163 коњски сили во верзијата GLB 200 и 2.0-литарски со 224 КС. кај верзијата GLB 250 4Matic. Додека понудата на дизел агратите е поразновидна и е подостапна кај GLB 180d, GLB 200d, GLB 200d 4Matic и GLB 220d 4Matic верзиите. Цените се движат од 37.770 до 44.601 евра. Овие модели имаат ист 2.0-литарски мотор кој развива 116 КС. и 280 Nm вртежен момент во најприфатливата верзија, и 150 КС. и 320 Nm во средината. А пак верзијата GLB 220d 4Matic има 190 КС. и 400 Nm.

Покрај тоа, Mercedes-Benz има и специјална верзија на кросоверот наречена GLB Edition 1. Автомобилот е достапен со доплата од 9.044 евра, со 20-инчни алуминиумски тркала, кафеав тапацир со корално-црвени шевови и елементи од орев.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close