Колку често треба да чистите

Чистењето понекогаш е вистинска ноќна мора, но овој „распоред“ за тоа што и колку често треба да чистите многу ќе ви помогне.

Доколку редовно ги чистите работите, долгорочно гледано ќе имате помалку работа бидејќи нема да морате подоцна да рибате.

Нормално дека поентата не е нон стоп да чистите, но некои нешта сепак би требало да ги чистите секојдневно. Повторно, добрата страна на тоа е што вашата куќа секогаш ќе биде чиста, а секојдневното чистење нема да ви одземе многу време.

Секој ден би требало да го местите креветот, да ги миете садовите, да ја бришете трпезариската и клуб масата и работните површини во кујната. Доколку за тоа има потреба, алиштата исто така треба да ги перете секојдневно, но и да ја пребришете површината во бањата, како и да го исчистите лавабото и кадата или туш кабината по користењето.

Неделно би требало да ги бришете подовите во куќата, огледалата, да ја избришете прашината во целиот дом и да усисате, да ја смените постелнината, да ја подзачистите рерната или микробрановата печка и да го замените сунѓерот за миење садови.

Месечно би требало да ги исчистите вентилациите и вентилациските отвори, тука спаѓа и аспираторот, да ги исперете завесите и да ја исчистите машината за садови и алишта. Да ја исчистите и измиете терасата, скалите пред влезот и сл.

На секои три до шест месеци би требало да ја исчистите внатрешноста на фрижидерот или замрзнувачот, да ја исперете завесата за кадата, да исчистите под креветите и зад мебелот и зад елементите во кујната, како и да ги исперете перниците, да ги усисате душеците и да ги дезинфицирате. Исто така, на три до шест месеци или по потреба би требало да ги чистите и прозорците. Да ја исчистите гарнитурата, да ги отстраните евентуалните флеки и да ја освежите. Пареочистач би ви бил од голема помош.

Годишно би требало да го исчистите оџакот и шпоретот на дрва, како и да ги исперете теписите, по потреба да дезинфицирате со кречење.

Секојдневното чистење ќе ви заштеди време, тоа всуност не е чистење туку потсредување кое ќе ви ја олесни големата генералка подоцна, а ќе ги намали и бактериите и прљавштините кои лесно се таложат.

Кога станува збор за работите кои неделно се чистат, добра работа е дека не морате да ги исчистите сите работи во еден ден, а истото важи и за месечното, тримесечното, полугодишното и годишното чистење.

Доколку имате мали деца или пак домашен миленик, чистењето треба да е почесто.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот