На социјалните мрежи денес почна да се шири видео од април оваа година во кое претседателката на Хрватска, Колинда Грабар Китаровиќ седи на претседателската маса и сосем сериозно ја чита „Пипи долгиот чорап“.

Во самиот увод Грабар Китаровиќ вели дека со радост ја прифатила молбата на децата да прочита еден дел од нивната омилена книга „Пипи долгиот чорап“, која со години е дел од детството на сите деца ширум светот кои уживаат во описите на авантурите на тоа весело девојче.

Потоа повлече паралела со Ивана Брлиќ Мажураниќ и нејзините книги кои со задоволство ги читаат децата во Хрватска. Потоа на гледачите им предложи и они на глас да ги прочитаат книгите на Ивана Брлиќ Мажураниќ и други хрватски писатели за да слушаат убави хрватски зборови и да го препознаат богатството на хрватскиот јазик.

Потоа претседателката прочитала дел од книгата „Пипи долгиот чорап“.

Погледнете како тоа изгледаше:

Видеото предизвика лавина од коментари на социјалните мрежи, а многумина не можат да поверуваат дека претседателката тоа навистина го направила.

Raniti ću se tupim nožem??? pic.twitter.com/wixDspTx5a

— Goran Brozina-Mrva (@Mrva051) September 10, 2019