Колев: Имаме 120 нови „рамковно вработени“ – 120 пратеници земаат плата, а не одат на работа (ВИДЕО)
Согласно изборниот законик 22 дена по завршување на вонредната состојба треба да имаме избори. За мене барањето за смена на Комисијата за заразни болести е чист политички популизам. Јас сериозно ја критикувам работата на владата, но кога се работи за здравствените работници неприфатливо е да се напаѓаат луѓето кои буквално ја ставија својата глава во торба и ги загрозија своите и животите на своите семејства, изјави првиот човек на ГДУ, Петар Колев.
– Македонскиот здравствен систем успева да се справи со ситуацијата. Тоа не е успех на Владата, туку стручност и знаење на здравствените работници, вели Колев.
Тој додава дека бојкотот за избори кои ги најавува дел од опозицијата за него е неприфатлив, додека сосема друго прашање е дали ќе се води кампања или не.
– Македонското општество мора да сфати една работа, ништо добро не води карањето и обвинувањето. Овде морам да кажам дека имаме 120 нови „рамковно вработени“ – 120 пратеници земаат плата а не одат на работа, изјави за „Утрински брифинг“ на „Слободна ТВ“, лидерот на ГДУ, Петар Колев.
Погледнете го целиот разговор: