Американските болници работат на работ на издржливост во време на пандемијата на коронавирусот, додека целиот здравствен систем доживува колапс, ја опишува германски „Велт“ состојбата на здравството во САД.

Лекарот Шамит Пател од Њујорк изрази стравување дека ситуацијата во САД би можела наскоро да стане слична како онаа во Италија, каде лекарите поради големиот број на пациенти се принудени да бираат кого ќе лекуваат, а кога ќе остават да умре.

 

Според неговите пресметки, бројот на пациентите од коронавирусот по лекар ќе се зголемат во блиска иднина за два или три пати. Докторка од итната помош во Њујорк, Камини Дубај раскажа дека “никогаш не се чувствувала толку очајно“.

 

Покрај тоа болниците не им дозволуваат на лекарите да зборуваат за потешкотиите со кои се среќаваат за да си го зачуваат угледот. Некои клиники исто така забрануваат носење на медицински маски во заедничките простории, за да се избегне впечатокот за голема опасност од вирусите.

Изданието исто така истакнува дека во Америка не е проблем само недостатокот на медицинска опрема, туку и место за труповите. Тие за првпат од терористичките напади на 11. септември 2001 година се во ситуација да мора да користат ладилници.

Претходно се откри дека во САД почнале да отпуштаат медицински работници поради приказните за недостаток на опрема во болниците за лекување на пациентите со коронавирус.

Раководството на болниците ги предупредува вработените да не зборуваат во јавност за условите за работа, вклучувајќи и за недостатокот на заштитни маски, мантили, кревети и апарати за вештачко дишење.