Колач со јаболка и ореви (РЕЦЕПТ)
Подгответе го овој неодолив десерт.
Состојки:
За колачот
10 лажици врела вода
20 лажици шеќер
200 грама брашно
5 рендани јаболка
300 грама мелени ореви
100 грама суво грозје
2 лажици гриз
1 прашок за печиво
1 лажица сода-бикарбона
За преливот:
200 грама шеќер
200 милилитри вода
1 пакетче ванилин шеќер
чоколадо за готвење
1 маргарин
100 грама сечкан орев за посипување
Подготовка:
Во врелата вода ставете го шеќерот и измешајте убаво за да се растопи.
Потоа додајте ги и другите состојки и измешајте, сè убаво да се спои. Вака подготвената смеса треба да ја оставите да отстои најмалку еден час пред да ја ставите да се испече.
Тортата ставете ја на претходно подмачкана тепсија да се пече во претходно загреана рерна на 200 степени Целзиусови околу 40 минути.
Откако ќе биде испечена тортата. Оставете ја целосно да се излади.
Додека чекате тортата да ја постигне посакуваната температура, почнете со подготовка на преливот. Во посебен сад, ставете ги шеќерот и водата да се сварат исто како кога подготвувате шербет. Додека врие шербетот, исечете ја тортата на парчиња а потоа врз неа истурете го шербетот.
Во тавче, стопете ги останатите состојки потребни за преливот, а потоа истурете ги врз колачот.
На крај, наросете со мелени или со сечкани ореви.