Кралицата Елизабета Втора (94) и принцот Филип (99) следниот месец ќе ја прослават 73-тата годишнина од бракот. Во текот на сите тие години, успешно чувале една тајна од јавноста и целото нивно семејство.

Никој освен Филип, Елизабета Втора и златарот кој го направил прстенот, не знаел каква порака имал врежано Филип за својата саката во 1947 година.

„Барем Филип не морал да плаќа за прстенот, бидејќи народот од Велс му поклонил грутка злато од која е направен прстенот. Кралицата никогаш не го вади прстенот во кој е врежата пораката. Никој не знае што пишува на прстенот, освен Кралицата, Филип и златарот кој го изработил прстенот“, напишала Ингрид Сивард во својата нова книга „Prince Philip: A Portrait of the Duke of Edinburgh“ која воедно е експерт за кралското семејство.

Елизабета и Филип се венчале на 20 ноември 1947 година во Вестминстер, област во централниот дел на Лондон. Венчавката имала директен пренос на Националната телевизија во Велика Британија, а преносот го следеле повеќе од 200 милиони луѓе. На нивната венчавка имало околу 2.000 гости.

Вереничкиот прстен на Елизабета криел прекрасна приказна зад себе. Принцот Филип прстенот го направил од тијарата на неговата мајка, принцезата Алиса од Батенберг. Кога се изработувал прстенот Филип му наредил на златарот да вметне порака но за тоа да не дознае никој!

Алиса ја добила тијрата од рускиот цар Николај Втори и неговата сопруга, царицата Александра, кога се омажила за принцот Ендру од Грција и Данска. Сега останува прашањето, дали некогаш јавноста ќе ја дознае тајната порака?