Кој стои зад нападот на помошникот на Зеленски? Член на партијата објави три теории

Шефот на украинската партија „Слуга на народот“, Давид Аракамија, објави три верзии за обидот за убиство на советникот на Зеленски, Сергеј Шефир.

Аракамија смета дека организаторите на обидот, пред се, сакале да го ликвидираат украинскиот претседател Владимир Зеленски.

„Ова е удар врз нашиот тим, пред се врз претседателот, бидејќи тој (Шефир) е негов прв помошик. Сите знаат дека тој е доверлива личност (на претседателот)“, рече тој.

Според него, зад нападот би можеле да стојат криумчарите и шефовите на криминалот, бидејќи против нив се воведени санкции. Потоа, Аракамија не ја исклучува можноста од „руска позадина“ на нападот, бидејќи во Украина некое време се слуша „антируски наратив“.

Покрај нив, пратеникот верува дека олигарсите би можеле да го организираат ваквиот обид за убиство.

„Се разбира, наспроти ваквите големи, одлучувачки промени во борбата против политичкото влијание на финансиските и индустриските групи, таквата верзија не може да се исклучи“, истакна тој, пренесува 112 Интернационал.

Тој додаде дека најдобрите форензички експерти го истражуваат случајот.

Непознат напаѓач отвори оган врз автомобилот на Сергеј Шефир, првиот помошник на претседателот на Украина. Инцидентот се случил во близина на селото Лисники, Киевска област. Службеникот не е повреден, но неговиот возач, бил ранет во нападот.

Според прес -службата на украинското Министерство за внатрешни работи, 10 куршуми го погодиле автомобилот, а еден од нив го ранил возачот.

Главната обвинителка на Украина, Ирина Венедиктова, објави дека е отворен кривичен предмет со претходна квалификација како обид за убиство на две или повеќе лица.

Обид за атентат на главниот советник на Зеленски