Кој што сака нека збори, момците испишаа историја!
Македонската машка јуниорска репрезентација се пласира на четвртото место на Европското првенство за кошаркари до 18 години (дивизија „Б“) откако на натпреварот за трето место загуби од Чешка со 89:80.
Со максимални пет победи од пет одиграни натпревари јуниорите разигруваа против Естонија во четвртфиналето. Триумфот над нив им го донесе Израел како противник во полуфиналето кој пак им го нанесе првиот пораз на ова првенство. Тоа значеше борба за трето место против Чешка.
Веднаш после завршувањето на еврошампионатот изминатиот викенд, беа прогласени најдобрите, во идеалниот тим се најде Андреј Јакимовски со одлична статистика со учинок од 18.4 поени и 9.4 скокови по натпревар.
Here's your #FIBAU18Europe Div. B All-Star 5️⃣ with @TherealIBBA ??, @PZKosz ??, @makbasket??, @ceskybasketbal ?? and @basketse ?? all represented.
The future is bright! ?https://t.co/KEbhcYnxRq
— FIBA (@FIBA) August 4, 2019
Јуниорите не успеаја да запишат триумф на осмиот натпревар на ова првенство, се пласираа на четвртото место и остана без пласман во „А“ дивизијата.
После овој настап во Орадеа, и покрај тоа што не беше остварена целта селекторот Тони Симиќ е горд на своите кошаркари:
– Јас Тони Симиќ како селектор на М18 заедно со стручниот штаб сакам да изразам едно големо благодарам до моите избраници. Деца мои вие сте за мене победници. Вие го оставивте срцето на терен, ме направивте горд и мене и вашите родители, ја направивте горда Македонија. А секогаш ќе има некој на кого овој резултат и пласман нема да му се допадне. Нека им служи на чест. Уште еднаш вие за мене ја напишавте историјата во кошарката. Не е малку шест од шест добиени натпревари и пласман во полуфинале. Со дигнати глави да си одиме дома, со дигнати глави утре да прошетаме низ Скопје и низ Македонија зошто ние сме едни и единствени – вели Симиќ.
(фејсбук статус на авторот)