Кој сака нека честита: Доктор Горан е позитивен на коронавирусот
Познатиот македонски доктор во Германија познат по неговата експонираност на социјалните мрежи, доктор Горан, во својата последна објава ѝ откри на јавноста – за прв пат е позитивен на корона вирусот.
„Кој сака нека честита. Доктор Горан за првпат денес позитивен за SARS-COV2 (PCR и брз тест)“, напиша тој на својот инстаграм-профил.
На самата објава доктор Горан откри дека неговата здравствена состојба е под ризик фактори на автоимуната болест Хашимото тирeоидитис.
Горан додаде и дека иако вакциниран, и само ден претходно ја примил третата доза против вирусот, за само еден ден се почувствувал малаксано, а брзиот тест на работното место открил дека тој сепак го „закачил“ вирус.
„Брзиот тест кој го правиме секој ден на работа излезе позитивен. Потоа и PCR тестот. Ќе видиме каков ќе биде текот на болеста, ќе ве известувам и се надевам на добар исход без последици“, продолжува Горан во објавата.