Кој не носи маска ќе копа гробови, вака Индонезија ги казнува непослушните (ГАЛЕРИЈА)
Жителите во Индонезија кои не носат заштитни маски на лице се соочуваат со казна во вид на копање гробови за починатите од ковид-19, а веќе испливаа фотографии од „непослушните“ кои вчера ја обавуваа казната на гробиштата Понгок Рангон во Џакарта.
Локалните власти оваа казнена мерка ја воведоа за да го принудат населението во поголема мера да придонесат за спречување на ширењето на пандемијата од ковид-19, а на 9. септември таа им е изречена на тројца средовечни мажи и петмина малолетници.
Како што наведува Си Ен Ен, алтернативата на овој вид казнување со „општокорисна работа“ е плаќање на парична казна во противвредност од 10 долари.
Иако носењето маски на јавни места е задолжително ширум Индонезија, дел од населението остро се противи и не го почитува тоа правило, како ни обврската за одржување на физичка дистанца, а централните власти одредувањето на казните за тие прекршоци им го препуштија на локалните органи.
Во Индонезија вкупно се регистрирани речиси 230.000 случаи на ковид-19, од кој во таа земја починаа најмалку 9.100 лица.