Кој ќе го запре Надал, „прегазен“ Федерер! (ВИДЕО) – Слободен печат
ОстанатoСпорт

Кој ќе го запре Надал, „прегазен“ Федерер! (ВИДЕО)

Рафаел Надал во ново финале, денеска во Париз го декласираше Роџер Федерер со 6:3, 6:4 и 6:2 после скоро два и пол часа игра.

За Надал ова ќе биде 12 финале на Отвореното првенство на Франција и ќе се бори за трофејот против победникот од втората полуфинална пресметка Новак Ѓоковиќ-Доминик Тим.

Лошите услови и силниот ветар влијаеја на играта на двајцата великани, но не ги спречија со своите одлични потези да ја кренат публиката на нозе.

Федерер останува и натаму во едно од најголемите ривалства во историјата на тенисот без победа над Шпанецот на париската земја.

Швајцарецот беше целосно немоќен во 39 меѓусебен дуел, а Рафа го забележа вкупно 24. триумф.

Воедно Надал го одбрани и второто место на АТП ранг листата, бидејќи со триумф Федерер ќе се најдеше на неговата позиција од наредната недела.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close