Кој ќе го замени Сити во Лигата на шампионите? (ФОТО)
Голема борба ќе се води во Премиер лигата, досега изненадување е Шефилд, а можно е „граѓаните“ да бидат во загуба од 200 милиони евра.
Веста дека УЕФА го исфрли Манчестер сити од Лигата на шампионите (и Лига Европа) го изненади фудбалскиот свет, но и донесе големо прашање.
Кој ќе го пополни местото на „граѓаните“ во елитното фудбалско натпреварување наредната натпреварувачка сезона? Веќе е јасно дека актуелниот шампион на Англија ќе биде во Топ 4 сезонава во Премиер лигата, моментно е на втората позиција, па затоа и мораат да се погледнат правилата.
Според правилникот на ЛШ – 4.08, Сити ќе биде заменет од клубот под местото кое води од англиската лига, што значи петтопласираниот.
На таа позиција во овој момент е најголемото изненадување оваа сезона, Шефилд јунајтед, но конкуренцијата е голема и се очекува борба до самиот крај за излез во Европа.
Premier League's fifth place in line for Champions League spot after City ban: * Sheffield United fifth in the table as things stand * Manchester City banned from Europe for two seasons The Premier League’s fifth-placed… https://t.co/IVmoS2Ub9O #PremierLeague #ChampionsLeague pic.twitter.com/ZT0Gu8Uc9A
— JPDAILYSPORTS (@JCPGATA) February 14, 2020
Веднаш зад Шефилд е Тотенхем со два бода помалку, Вулверхемптон и Евертон со три, Манчестер јунајтед со четири, што гарантира дека ќе гледаме интересна трка, а веќе е познато дека Ливерпул со огромни чекори атакува кон шампионската титула.
Дури и Сити да ја освои титулата сезонава во ЛШ нема да обезбеди пласман во ова натпреварување, но ќе видиме како ќе реагира Спортскиот арбитражен суд во Лозана (ЦАС) на жалбата.
Исто така Англичаните пресметаа дека Сити со ваквата забрана од Европската куќа на фудбалот ќе загуби 200 милиони евра, покрај тоа што треба да плати и дополнителни 30 милиони како казна.
Кога ќе се додаде и дека клубот од „Етихад“ првично плати 60 милиони поради кршење на „Финансискиот фер плеј“, доаѓаме до огромни бројки. Премногу дури и за богатите шеици од Емиратите и сопствениците на Манчестер сити.