-1 C
Скопје

Кој ја држи контролата над земјоделско земјиште во светот

 Еден процент од земјоделските стопанства во светот обработуваат 70 проценти од полињата, фармите и овоштарниците, покажува извештај што го потенцира влијанието на нееднаквоста во однос на земјиштето врз климатските и природните кризи, пишува „Гардијан”.

Од 80-тите години на минатиот век, истражувачите откриле дека контролата на земјиштето станала многу поконцентрирана, директно преку сопственост и индиректно преку договорно земјоделство, што доведува до поразурнувачки монокултури и помалку внимателно поддржувани мали фарми.

Земајќи ја за првпат зголемената вредност на имотот и растот на населението без земја, извештајот проценува дека нееднаквоста во однос на земјиштето е за 41 процент поголема отколку што се сметаше порано.

Авторите велат дека овој тренд е предизвикан од краткорочни финансиски инструменти кои сè повеќе ја обликуваат глобалната животна средина и здравјето на луѓето.

Прочитајте и...  Бесими-Силвестри: Економската состојба е стабилна и покрај корона-кризата

– Во минатото, овие инструменти влијаеја само на пазарите. Тие не влијаеја на нас индивидуално. Но, сега тие го допираат секој аспект од нашите животи, бидејќи се поврзани со еколошката криза и пандемијата, рече Ворд Ансеју, виш технички специјалист во Меѓународната коалиција за Земјата која ја иницираше студијата заедно со група партнери, вклучувајќи ги Оксфам и Светската лабораторија за нееднаквост.

Студијата, објавена денеска, се заснова на 17 нови научни статии, како и анализа на постојните податоци и литература.

Во неа се вели дека претходните пресметки на нееднаквоста во однос на земјиштето се засновале единствено на сопственоста и големината на одделните фарми. Врз основа на тоа, нееднаквоста во однос на земјиштето се намалувала сè до 80-тите години на минатиот век, по што се зголемила.

Прочитајте и...  Романскиот претседател ја прими вакцината против коронавирусот

Овој тренд е поизразен во новата методологија, која зема предвид дополнителни фактори, како што се повеќекратната сопственост, квалитетот и вредноста на земјиштето и бројот на луѓе кои не поседуваат земјиште.

Немањето земјиште е најниско во Кина и Виетнам, а највисоко во Латинска Америка, каде што најсиромашните 50 проценти од луѓето поседуваат само еден процент од земјиштето.

Поврзани вести

ВМРО-ДПМНЕ: Власта со однапред договорени бројки фингира попис

Слободен печат

СДСМ: ВМРО-ДПМНЕ и Мицкоски и за пописот се на спротивната страна на државните и националните интереси

Слободен печат

ВМРО-ДПМНЕ: Царовска сака предметот историја да го избрише на насилен талибански начин

Слободен печат

„Пејпер Мил”: Одлуката за прекин на работењето не беше лесна

Слободен печат

ЦДУ го бира наследникот на Меркел

Слободен печат

Активни 16231 случај со Ковид-19, расте бројот на оздравени пациенти

Слободен печат

Остави Коментар