Германскиот производител на спортска опрема, Адидас, е најзастапен во Премиер лигата, тие „облекуваат“ дури шест премиерлигаши, а меѓу нив е и најтрофејниот англиски клуб, Манчестер јунајтед, кој воедно заработува највеќе.

„Црвените ѓаволи“ за една сезона добиваат неверојатни 75 милиони фунти од Адидас, благодарение на 10-годишниот договор тежок 750 милиони фунти.
На второто место во новата сезона ќе биде екипата на Ливерпул која потпиша договор со Најки. Американскиот производител од 31 мај годинава ќе го облекува актуелниот европски шампион кој за тоа ќе заработува по 70 милиони фунти.

На третото место се наоѓа екипата на Манчестер сити која од Пума добива 65 милиони фунти, Арсенал од Адидас инкасира 60 милиони фунти, исто колку што и Челси од Најки.

Очигледна е огромната разлика помеѓу најголемите англиски екипи и останатите премиерлигаши, па така на дното на заработка се наоѓаат Шефилд јунајтед и Вотфорд кои од Адидас добиваат само 750.000 фунти.

1. Манчестер јунајтед 75 милиони фунти (Адидас)
2. Ливерпул 70 милиони фунти (Најки)
3. Манчестер сити 65 милиони фунти (Пума)
4. Арсенал 60 милиони фунти (Адидас)
4. Челси 60 милиони фунти (Најки)
6. Тотенхем 30 милиони фунти (Најки)
7. Евертон 10 милиони фунти (Хумел)
8. Саутемптон 9 милиони фунти (Андер Армор)
9. Њукасл 6.5 милиони фунти (Пума)
10. Вест Хем 5 милиони фунти (Умбро)
11. Кристал Палас 4 милиони фунти (Пума)
12. Астон Вила 3 милиони фунти (Капа)
12. Лестер 3 милиони фунти (Адидас)
12. Вумверхемптон 3 милиони фунти (Адидас)
15. Норич 2.5 милиони фунти (Ереа)
16. Брајтон 1.5 милиони фунти (Најки)
16. Барнли 1.5 милиони фунти (Умбро)
18. Бормнут 1 милион фунти (Умбро)
19. Шефилд јунајтед 750.000 фунти (Адидас)
20. Вотфорд 750.000 фунти (Адидас)