Кој ги добива инвалидските пензии – вистинските инвалиди или пак „глумци” за пари?

Инвалидска пензија – тешки судбини, голготи, борба за живот и борба со немилосрдните и корумпирани институции, комисии, поединци. Неподвижни луѓе остануваат без пензија, а разни глумци, во спрега со лекари и посредници, „вооружени” со по неколку илјади евра, стануваат инвалидски пензионери со песна, е тема во емисијата „Стадион” на Радио Канал 77, односно за корупцијата во издавањето на инвалидски пензии.

Неврологот Милчо Демерџиев, истакна дека слични проблеми има и во други земји, бидејќи фондовите биле сè попразни, па и сè потешко се стигнувало до инвалидски пензии. Во случајот „Метастаза” тој е еден од условно осудените.

– Не беше ништо докажано. Конкретно за мојот случај, се работеше за петнаесетина пациенти што имале наод од мојата приватна ординација. Таа дијагностика е за ишијас, а со таков наод не се добива ни боледување – рече Демирџиев.

Демерџиев се обидува својата невиност да ја докаже, но вели дека сите инситутции се затворени. Судењето според него било обична фарса, без вештачење, со апсурдни и смешни констатации и конструкции.

Прочитајте и...  Во Албанија 795 новозаразени,388 оздравени и 17 починати од Ковид-19

– Ме обвинуваат за злосторничко здружување, а ние со колегите и со посочените сведоци и пациенти никогаш не сме имале контакт. Ми влегоа во ординација со специјалци и камери во докторскиот простор кој е светост и после ги дадоа на Латас снимките да се вртат на телевизија со недели и да ме обвинат уште пред да започне судењето – вели Демерџиев.

Тој во гостувањето во „Стадион” на Радио Канал 77 зборувајќи за коронавирисот рече дека станува збор за опасен невидлив непријател и дека сите што се однесуваат ноншалантно, тврдејќи дека станува збор за светски заговор, не ги почитуваат мерките па играат ора, спроведуваат литии, се собираат групно во Сингелиќ, Чаир, би ги испратил со полициски комбиња на инфективна клиника да работат како болничари и чистачи...

Прочитајте и...  Масовен скрининг во Италија: За три дена теститани 350.000 жители, меѓу нив откриени 3.180 асимптоматски случаи

Во емисијата учествуваше и Снежана Караџовска, која ја раскажа својата тригодишна голгота додека да стигне до инвалидска пензија откако пред четири години по сообраќајка и’ биле ампутирани двете нозе.

– Една година се надевав дека со протези ќе можам да проодам, па поради тоа побарав инвалидска пензија подоцна. Не ми бараа пари, но ме одбиваа за пензија, ми велеа, млада си, можеш да работиш – вели Караџовска.

Според Јадранка Јовановска, директорка на сектор во Фондот за пензиско и инвалидско осигурување граѓаните укажуваат дека има корупција во издавањето на инвалидски пензии, но не пријавуваат.

– Некогаш ќе дојде странка анонимно да пријави неправилност. Меѓутоа, кога ќе бидеме упорни да даде изјава, да посочи за кого се работи, за да имаме некој цврст доказ, странката едноставно се повлекува. Нашата инвалидска комисија работи врз основа на докази, документи. Имаше една сторија на една телевизија, во која еден господин лежи и се жали оти е неподвижен. Меѓутоа, кога го зедовме неговото пензиско досие, видовме дека тој бил во работен одснос до пред шест-седум месеци, а не неподвижен со години. Не велам дека кај нас не постојат неправилности, но работиме тие да се намалат, искоренат. Во моментот спроведуваме проект со кој значително ќе го подобриме работењето на Фондот. Има идеја оцената на инвалидноста да се лоцира на едно место, во едно тело, како што е во Хрватска – една комисија за инвалидност да ги решава сите вакви прашања.– рече Јовановска во емисијата „Стадион” на Радио Канал 77 на тема корупцијата во издавањето на инвалидски пензии.

Прочитајте и...  ВИДЕО | Меѓаши: Онлајн наставата им го скрати правото на образование на многу деца

Поврзани вести

Русија и ковид-19: Рекордни 491 смртен случај во изминатите 24 часа

Слободен печат

Неготинец кој студира медицина во Русија ќе помага на докторите во Здравствениот дом во Неготино

Слободен печат

Номинација за адвокат со кубанско потекло: Алехандро Мајоркас ќе биде нов шеф за внатрешна безбедност на САД

Слободен печат

ВИДЕО | Стефановски: Бугарската позиција за многумина е нејасна – Унијата да направи притисок врз Бугарија

Слободен печат

Владата ќе ја одржи редовната 24-та седница

Слободен печат

СДСМ: Предлог-буџетот предвидува вложување во здравството, капиталните инвестиции и работните места

Слободен печат

Остави Коментар