КОЈ Е МАЖОТ НА КОЛИНДА? Работи во швајцарска фирма, а се знае и колкава му е платата
Јаков Китаровиќ е сопруг на претседателката на Хрватска, Колинда Грабар Китаровиќ, кој има редовна работа, но и хонорарен ангажман кој му се плаќа околу 25.000 евра годишно.
Основниот ангажман е во компанијата АД Пластик, но од една швајцарска фирма зема и голем годишен хонорар.
Во имотниот лист на Колинда се наведени примањата на нејзиниот сопруг. Но, како што дознава „Тпортал“, тој хонорарно работи ви швајцарската компанија Сентинел Холдинг, која е регистрирана во градот Цуг, истиот град каде својата фирма ја основал и неславниот ивица Тодориќ. „Тпортал“ наведува дека овој град е познат и како даночна оаза.
Јаков Китаровиќ е магистер на електротехнички науки и работи на проек за имплементација на сигурносни технологии за најновите генерации на уреди за широка потрошувачка. Во фирмата е повеќе од три години.