Приоритет број еден за рускиот претседател Владимир Путин е борбата за намалување на бројот на оние кои се под прагот на сиромаштија, вели портпаролот на Кремељ, Дмитриј Песков.

Тој додава дека постои цел низ од програми во Русија кои се насочени на намалување на сиромашното население.

– Понекогаш, за жал, светската реалност, како што беше глобалната криза од 2008 година, како кризата без преседан поврзана со пандемијата во 2020 година, негативно влијаат врз реализацијата на владините планови, но, тоа сепак не значи дека некој ќе седи со скрстени раце, додава портпаролот на Кремељ.

Тој нагласи и дека националните проекти во време додека се уште трае борбата против вирусот може да претрпат корекции, но најважно е тие да функционираат.

За потсетување, во Русија откриени се 6.611 нови случаи на корона, а од почетокот на епидемијата регистрирани се вкупно 687.862 лица. До сега како последица на компликации од корона вирусот почибале 10.296 пациенти, а оздравеле 454.329 лица.