Кој е Албин Курти, лидерот на Самоопределување и потенцијален премиер на Косово? (ФОТО)

Од лидер на студентски протести, до опозиционер кој не е „за преговори со Србија, туку за самоопределување“ до потенцијален мандатар кој сака да ги укине таксите и да ја врати Приштина на преговори со Србија. Вака накратко може да се опише Албин Курти, лидерот на косовското движење Самоопределување, кое на изборите во неделата освои најмногу места во парламентот.

Албин Курти својата политичка кариера ја започнал уште во деведесетите години на минатиот век, кога како студент организирал политички протести во Приштина. Тогаш тој бил официјален портпарол на албанските студенти во Косово, а зборувајќи за медиумите во тоа време тој нагласил дека нивните демонстрации „не се политички и немаат ништо со политичките партии“.

Заради своите студентски акции бил уапсен неколку пати, а првпат со затворот се соочил во 1997 година заради организирање на студентски протести на Универзитетот во Приштина.

Фото: Профимедиа

Во август следната година тој се вработил во кабинетот на Адем Демачи, политичкиот лидер на Ослободителната војска на Косово.

Како што пишувале некои белградски медиуми за време на бомбардирањата на НАТО во 1999 година, Курти пробал да ја напушти земјата облечен како жена, но српската полиција го уапсила.

Прочитајте и...  Рот: Се надеваме првата Меѓувладина конференција со Скопје и Тирана да се одржи наесен

Кога во јуни 1999 година српските сили се повлекле од Косово, Курти се нашол помеѓу неколку стотици албански затвореници, кои биле префрлени на српска територија, надвор од Косово.

Следната година му било судено во Ниш, а потоа бил осуден на 15 години затвор заради загрозување на територијалниот интегритет на Југославија и тероризам. Интересно е дека за време на судењето, тој одбивал одбрана и порачал: „Мене може да ми суди само судот на сопствениот народ. Не го признавам овој суд, не ја признавам Србија, не ја признавам Југославија.“

Сепак, Курти не ја отслужил својата казна, бидејќќи по пресудата следел пад на режимот на Милошевиќ и меѓународен притисок на новата власт да ги ослободи сите затвореници со „политичка“ етикета. Тој бил ослободен од затвор во 2001 година.

Тој на политичката сцена се вратил во 2005 година. кога активистите испишале графити на неколку згради: „Без преговори, самоопределување!“ Токму оваа акција била почетокот за движењето Самоопределување.

Прочитајте и...  Османи: Преговарачката рамка на ЕУ ќе биде објавена на 9 или 10 јуни

Формирањето на ова движење и испишувањето со графити било причина за апсење на стотици активисти, вклучувајќи го и Курти. Со овие графити движењето Самоопределување барало референдум за статусот на Косово, тврдејќи дека само референдумот и употребата на меѓународно признати права на самоопределување може да најде демократско решение за Косово.

Фото: Профимедиа

Едно од последните апсења на Албин Курти било во јануари 2012 година кога косовската полиција го уапсила со уште десет подржувачи на Самоопределување кога избил конфликт помеѓу полицијата и демонстрантите на патот кај Мердар. При апсењето, Курти рекол дека „постојат луѓе во Приштина, на кои не им одговара Косово да функционира како парламентарна република, бидејќи имаат многу интереси кога станува збор за увоз, односно продажба на српска роба.“

Без разлика на се, на изборите во 2014 година тој освои повеќе од 10 отсто гласови на изборите, по што процентите само се зголемувале, за во 2017 да дојде до скоро 30 отсто.

Прочитајте и...  Продолжија протестите во Лондон по смртта на Џорџ Флојд

Курти остро ги критикувал преговорите помеѓу Белград и Приштина, како и политиката на Србија, гласно заложувајќи се за бојкот на производите од Србија.

По парламентарните избори во Србија во март 2014 година, тој рекол дека Србија „сака да стане мала Русија на Балканот, а другите да им бидат сателити“.

Исто така, Курти е застапник на идејата за Косово да се спои со Албанија.

Курти, досегашен опозиционер на косовската влада, во јавноста остана запаметен како политичар кој не сакаше да преговара со српската страна. Меѓутоа, пред изборите тој ја смени плочата и споменал укинување на таксата на робата како прва работа која ќе ја направи ако стане премиер. Сепак, покрај враќање на преговорите, Курти истакнал дека за првите денови од својот мандат од Србија ќе бара воена отштета.

Како што пишуваат приштинските медиуми и експерти, голема е можноста дека Курти ќе го заземе местото на Харадинај, па неговиот план за укинување на таксите и продолжување на преговорите ќе биде реализиран.

Прочитај повеќе

Митко Јанчев: Несовесните поединици кои не ги почитуваат мерките се тинејџери

Слободен печат

ЕУ го поздрави формирањето на нова Влада на Косово

МИА Агенција

Се предлага продолжен викенд карантин во Скопје, Штип, Куманово и Тетово

Слободен печат

Гренел го поздрави изборот на новата влада на Косово

Слободен печат

Продолжија протестите во Лондон по смртта на Џорџ Флојд

Слободен печат

Вучиќ: Мерките на Приштина се „луди”, губиме еден милион евра на ден

МИА Агенција

Остави Коментар

Прочитај повеќе

Стоилковски: Зекири и Лукаревска се новите Цаца Билјановска

Слободен печат

Се развива велосипедската инфраструктура во Скопје – велосипедот најбезбедно превозно средство за време на пандемијата

Слободен печат

МВР: На граничните премини е задолжителен валиден PCR тест, кој е негативен, во спротивно следува државен карантин

Слободен печат

Рот: Се надеваме првата Меѓувладина конференција со Скопје и Тирана да се одржи наесен

МИА Агенција

Банката на Англија: Подгответе се за неуспех на трговскиот договор меѓу ЕУ и Велика Британија

Слободен печат

„Слободен печат“ дознава: Јанева викната на разговор до ДЗР

Горан Наумовски