Бунтовничките сили ја презедоа контролата врз Дамаск откако за помалку од две недели го освоија поголемиот дел од земјата.

Авторитарниот лидер Башар ал Асад побегна од Дамаск, ставајќи крај на неговото 24-годишно владеење. Додека Сиријците слават на улиците со извици за слобода, вниманието сега е свртено кон бунтовниците и она што следува.

Кои се бунтовниците?

Првиот напад врз силите на режимот, кој започна минатата недела во Алепо, го извршија различни групи кои беа против режимот на Асад.

Меѓу нив има и бунтовници под знамето на Сириската национална армија (СНА), која е поддржана од Турција, но офанзивата главно ја предводи џихадистичката група Хајат Тахрир ал Шам (ХТС).

ХТС, порано познат како Фронт Ал Нусра, поранешно крило на Ал Каеда, има околу 30.000 борци и долго време беше прогласена за терористичка група од САД и Русија.

Британската влада размислува да ја отстрани ХТС од листата на забранети терористички организации и вети дека брзо ќе донесе одлука.

ХТС е основана од Абу Мухамед ал Џолани, кој ги прекина врските со Ал Каеда во 2016 година и се обиде да се претстави како поумерен.

Кои се нивните планови?

Џолани, кој беше прогласен за терорист од САД во 2013 година, се обидува да ги увери малцинствата во Сирија дека не треба да се плашат од џихадистите.

Во 2023 година, тој  овозможи да се одржи првата христијанска миса во Идлиб по многу години, а во средата изјави дека ќе ги заштити христијаните што живеат во градот јужно од Алепо.

Политичките планови на ХТС се уште не се јасни особено што никој од  водачите на сирските бунтовници досега не презентирале  „детални програми“.

Победата на бунтовниците беше резултат на долгогодишна борба, но брзината на нивното напредување ја шокираше меѓународната заедница.

Хамиш Де Бретон-Гордон, поранешен шеф на Обединетото Кралство за хемиско оружје, рече дека времето не е случајно.

„Со слабеењето на Хезболах и иранските милиции, бунтовниците ја искористија можноста. Русија повлече голем дел од своите сили од Сирија поради војната во Украина, оставајќи го Асад незаштитен, изјави Форд за Скај њуз.

Кои земји имаат интереси во Сирија?

Нападот отвори можност за ново поглавје во конфликтот на Блискиот Исток, додека Израел, поддржан од САД, се бори против Хамас во Газа и Хезболах во Либан.

Русија, главниот сојузник на режимот на Асад, моментално е преокупирана со војната во Украина. САД имаат околу 900 војници во североисточна Сирија за да го спречат обновувањето на Исламската држава, додека Турција има воени сили во Сирија и ги поддржува опозициските групи.