Склоност кон инфекции, малаксаност, болести во зглобовите, но и сува кожа на телото, рани што бавно зараснуваат и слично, се само некои од предупредувачките знаци кои ни кажуваат дека треба да го зголемиме внесувањето на овој моќен антиоксидант.

Првото нешто на што помислуваме кога станува збор за витамин Ц се додатоците во исхраната и консумирањето на цитрусно овошје, но добро е да се знае дека калинката, зелката, ацеролата, зелениот лиснат зеленчук, кивито и јагодите се, исто така, одлични извори на витамин Ц.

Пиперки чили: Половина шолја исечени пиперки чили содржи 107,8 мг витамин Ц, а научниците откриле дека пиперките се богати со капсаицин, соединение што ги прави лути, а помага во ублажување на болките во мускулите и зглобовите.

Црвена пиперка: Шолја исечени црвени пиперки содржи трипати повеќе витамин Ц отколку портокалите. Исто така, овој зеленчук е богат со витамин А што е одличен за здравјето на очите.

Зелена пиперка: Шолја зелени пиперки ја содржи дневната доза на внес на витамин Ц, а исто така, се добар извор на хранливи влакна кои помагаат во работењето на метаболизмот и варењето.

Кељ: Кељот е богат со витамин А и витамин К, а содржи 80 мг витамин Ц. Покрај тоа, честото консумирање ќе му обезбеди на организмот доволна дневна доза на минерали и незаситени масни киселини.

Брокула: Ова овошје е богато со витамин Ц и влакна, а содржи само 30 калории по порција. Некои истражувања дури покажуваат дека може да помогне во спречување на повеќе видови на рак.

Папаја: Папајата е егзотично овошје, а бројни студии покажаа дека ги чисти синусните канали, ја прави кожата помека и посјајна и ги зајакнува коските. Една шолја содржи 88 мг витамин Ц.

Јагоди: Полни се со витамин Ц и богати со фолна киселина, калиум, железо и магнезиум, односно со минерали кои се добри за здравјето на срцето и васкуларниот систем. Јагодите помагаат и вашите заби да бидат бели.

Ананас: Покрај тоа што содржи 78 мг витамин Ц, ананасот е богат со ензимот бромелаин, кој ја ублажува надуеноста и има антивоспалително дејство, со што го олеснува закрепнувањето на мускулите по вежбање.