Во мај оваа година, Европската агенција за лекови (ЕМА) одобри употреба на вакцината против ковид-19 на компанијата „Фајзер“  за деца на возраст од 12 до 15 години, а пред една недела за оние на возраст од пет до 11 години.

Така, веќе неколку месеци во цела Европа, но и во други земји во светот, како што се САД или Израел, се спроведува програма за вакцинација на малолетници.

Во американските држави со поголем процент на заразени, повеќе деца се вакцинираат

Пред околу еден месец во САД започна вакцинацијата на децата на возраст од 5 до 11 години. Според американскиот Центар за контрола и превенција на болести (ЦДЦ), родителите побрзо одлучуваат да ги вакцинираат децата на таа возраст во оние американски држави кои имаат поголем процент на заразени.

Така, во Вермонт до 22 ноември се вакцинирани 27% од децата на возраст од 5 до 11 години, пишува Блумберг.

Досега во Соединетите Држави, според ЦДЦ, најмалку 2,84 милиони мали деца, или 10% од таа популација, примиле најмалку една доза од вакцината против ковид-19.

Во Израел лекарите добиваат смртни закани

Податоците покажуваат дека Израел вакцинирал повеќе деца на возраст од 5 до 11 години минатата недела отколку во првата недела од вакцинирањето на децата на возраст од 12 до 15 години.

Односно, процентот на мали деца кои ја примиле вакцината во изминатата недела бил двојно поголем од бројот на вакцинирани деца на возраст од 12 до 15 години во првата недела од нивното вакцинирање, кое започна во јуни.

Досега 3,3 отсто од децата на возраст од 5 до 11 години примиле вакцина против ковид-19, покажуваат најновите податоци на Министерството за здравство на Израел. Кај децата на возраст од 12 до 15 години, 58,6% примиле најмалку една доза, а 47,7% биле целосно вакцинирани.

Некои функционери на Министерството за здравство вклучени во започнувањето програма за вакцинирање помали деца пријавиле во полиција дека добиваат смртни закани, пишува Тајмс оф Израел.

Педијатарот Лиор Хехт рече дека се приклучила на кампањата за да им обезбеди на родителите „веродостојни и проверени информации“ за вакцината.

„Имаше експлицитни смртни закани“, рече таа, додавајќи дека некои ја нарекуваат убиец на деца и ја споредуваат со нацистите, а индиректно им се заканувале и на нејзините деца.

Состојбата со вакцинацијата на децата во Европа

Според најновите податоци на Европскиот центар за превенција и контрола на болести (ECDC), Португалија има најголем процент на млади луѓе на возраст од 15 до 17 години кои се целосно вакцинирани (82%), потоа Данска (81%) и Ирска со 78 %.

Австрија вакцинирала 57,8%, Шведска 66,9% и Хрватска 10,4%.

Во Германија, до 23 ноември, околу 45 отсто од возрасната група од 12 до 17 години ги примиле двете дози на „Фајзер“, пишува Ал Џезира.

Во однос на вакцинацијата на децата на возраст од 10 до 14 години, Португалија повторно е водечка со 47,4% целосно вакцинирани деца на таа возраст, а потоа следат Луксембург (41%) и Ирска (40,4%).

Хрватска е последна на листата со 1,4% целосно вакцинирани деца на таа возраст, но треба да се напомене дека податоците не се достапни за сите земји од ЕУ.

Податоците на ЕЦДЦ покажуваат дека Португалија е прва на листата (29%), а потоа следат Белгија (28%) и Шпанија (25,8%).

Балканските членки на ЕУ последни

Последна на листата е Бугарија со 1,2%. По неа следи Хрватска со 2,2%. Словенија, на пример, со двете дози вакцинираше 8,1% од населението до 18 години.

Според хрватските здравствени институции, до 25 ноември во Хрватска биле вакцинирани 5.327 деца на возраст од 12 до 14 години, што е 5,3%. Оние на возраст од 15 до 19 години се повеќе од 50.000, или 25,5%, пишува Индекс.хр.