Кои 12 амандмани ги предлага Путин?
Еден од амандманите предивува минималната плата во Русија да не биде под границата на сиромаштија, но и пензиите редовно да бидат индексирани.
Една од промените кои рускиот претседател Владимир Путин денеска ги достави до руската Државна дума (Парламент) е да се ограничи можноста на два претседателски мандати вкупно, а не како досега, на два мандати едно по друго.
Еден од 12-те амандмани на Путин предвидува претседателот да биде тој кој ќе формира Државен совет, каде ќе членуваат гувернери на регионите и високи федерални претставници.
Доколку бидат усвоени, руската Државна дума ќе добие право да ги одобри кандидатурите за премиер и заменик премиер.
Со оглед на тоа што Парламентот ќе добие поголеми овластувања, претседателот сепак ќе ја задржи моќта да менува премиери и министри, но останува и врховен командант на руските воени сили.
Поголеми овластувања ќе добие и Уставниот суд, како што е на пример, именувањето и разрежувањето на генералниот обвинител и неговите заменици на предлог на претседателот.
Исто така, еден од амандманите предвидува високи владини претставници да не можат да имаат странско државјанство, ниту дозвола за престој во друга држава, а кандидатот за претседател мора да има над 35 години и да живее во Русија најмалку 25 години.
Еден од амандманите предивува минималната плата во Русија да не биде под границата на сиромаштија, но и пензиите редовно да бидат индексирани.
Руската Државна дума веќе за в четврток го закажа првото од вкупно трите читања на нацрт-измените на Уставот.