Наизглед крути и дрски, а всушност Раковите кријат сложена емотивна структура и длабоко внатрешно доживување. Тоа се луѓе кои се создадени од силни емоции и кои длабоко преживуваат сè што се случува околу нив. Изгледаат пасивно, молчаливи се, внимателни и таинствени.

Страшливиот Рак се повлекува во себе штом забележи непознат, бидејќи она што му е познато го доживува како опасност. Но, многумина од Раковите не се плашат и не се грижат толку за себе колку за своето семејство, а посебно за децата. Имаат посебно чувство за грижа околу семејството, а исто и за зачувување на традицијата. Не важат за агресивни, но кога се во прашање оние кои ги сакаат, како и нивниот дом, бестрашно ќе застанат во нивна одбрана.

Религиозни се, духовните вредности повеќе ги ценат од материјалните, а љубовта им е најважна! Но, истовремено и на професионален план можат многу да дадат.

Кога имаат јасна цел: упорни се и одлучни, не трошат време за излегување, друштво и забави, туку се насочени кон работата и семејството. Имаат многу познаници, а само малкумина ги нарекуваат пријатели. Кон нив се несебични и великодушни, кон сите останати се скептични. Не се склони на фалење, дури и претеруваат во самосожалување. Кога се во поголемо друштво и на некои јавни собири, чувствуваат непријатност против која се борат со „ладно“ држење, цинични забелешки и алкохол. Они кои ги познаваат ги сакаат поради нивната великодушност, доверливост, чувствителност и грижливост.