Кога јазикот е побрз од мислата, легендата на Јувентус се извини на коментарот за Марадона
Поранешниот фудбалер на Јувентус, Антонио Кабрини, се најде на мета на големи критики поради изјавата за Диего Марадона.
Кабрини кој 13. години го носеше дресот на „старата дама“ по смртта на Диего Армандо Марадона изјави дека Аргентинецот ќе бил жив доколку играл во Јувентус.
– Доколку играше во Јувентус, Марадона ќе беше жив уште долго време. Опкружувањето во Неапол го уништи. Во Торино е поинаку отколку во Неапол. Неговата љубов кон Наполи беше силна и автентична, но во исто време и болна. Диего беше легенда и џентлменски противник на теренот. Како и сите големи шампиони, можеше да го прикаже и најдоброто и најлошото во исто време – рече Кабрини.
Тешка навреда за Наполи и Неапол: Доколку играше во Торино, Марадона сè уште ќе беше жив
По големите критики во јавноста, Кабрини мораше да се извини за претходно кажаните зборови.
– Моите зборови се погрешно протолкувани, на никого не му држев час по морал, тоа беше коментар за енергијата на градот кој има голема страст. Сакав да кажав дека помирно опкружување во какво што живеев јас во Торино, најверојатно ќе го заштитеше. Им се извинувам на сите кои можеби ги навредив – порача Кабрини.
Пороците кои го уништија Марадона: Не можеше без кокаин, а пред него клечеа кумовите на мафијата
ВИДЕО: Наејмотивната приказна: За да спаси живот на дете, Марадона играше фудбал во кал