Има 27 пратеници од албанскиот блок и ова е интересно е да се проучи. Имаме масовно иселување на луѓето, намалување на бројот на гласачите и останува една маса која може да се мобилизра на двете страни. Првата, по секој цена да ја задржи власта и втората (Алијанса и Алтернатива) да се ангажираат младите, изјави во „Утрински брифинг“ на „Слободна ТВ“ политичкиот аналитичар, проф. Мерсел Биљали.

Според Биљали излезноста кај Албанците е голема, а не ниска Како пример го издвои Чегране каде над 60 отсто од граѓаните се надвор од државата.

-Овие кои излегоа да гласаат, кои се резиденти овде, нивната излезност е 90 отсто, додаде Биљали.

Според професорот, многу е тешко да се направи долгорочна влада како и да се постапи од причина што бројките се на минимална функционалност.

-За да се направи некоја поширока за сите албански партии да влезат, тоа е тешко. Како и да е, после ова не гледам дека победниците од албанскиот и македонскиот блок се многу среќни, смета Биљали.

-Најтешко ќе му биде на ДУИ бидејќи рече дека ќе има премиер Албанец. И што е цената ако влезе без премиер? Ќе влезе со една лага која за три дена ќе се заборави. Но станува збор за кредибилитетот на политичарот, кој ќе биде сведен на минимум.

-Мислам дека ВМРО направиле големи грешки со насоките кои ги одбраа. Мислам дека ниту една математика не покажува дека ВМРО може да биде голем играч за состав на Влада, изјави во гостувањето во Утрински брифинг политичкиот аналитичар и професор Мерсел Биљали.

Поранешниот претседател на ПДП, д-р Илир Љума смета дека и покрај очекувањата за пораз на Ахмети и неговата ДУИ, сепак идејата за премиер Албанец се покажала како вешта политичка стапица за неговите конкуренти.

-Кај Албанците се очекуваше крах на ДУИ и на самиот лидер Али Ахмети. Но идејата за премиер-Албанец беше многу вешта политичка клопка за неговите опоненти. Во оваа клопка влегоа непромислено и лидерите на СДСМ и ВМРО ДПМНЕ. Нивните реакции направија голем скок во рејтингот на ДУИ и со ваква идеја успеа да ги собере гласачите.

-Можеби никој не очекувал дека господинот Ахмети ќе излезел со ваква идеја. Тоа што за мене е неразбирливо е како аполитички реагираа и господинот Заев и господинот Мицкоски, оспорувајќи ја националната припадност а не политичкиот статус и стручните способности на кандидатот. Ова остава длабоки траги во развојот на партиите внатре и пошироко. Ова ја врати ДУИ повторно на политичката сцена.

-Првиот чекор за да се надмине прашањето на етничка припадност го направија СДСМ и Беса и тоа е многу позитивно за иднината на политичка сцена и развојот на демократијата. Во моите пишувања и порано сум апелирал да се направат предизборни коалиции од мешани блокови. Ова е чекор напред по однос на демократизацијата.

-После реакцијата по барањето на господинот Ахмети следуваше и втората реакција дека ДУИ ако инсистира, ќе оди во опозиција. Но тоа се предизборни препукувања, сега интересот на државата и идниот развој на Македонија на внатрешен и меѓународен план е да седнат и да се договорат за што поскоро да се направи влада. Само со пратениците на ДУИ нема да има стабилна влада. Тука можеби ќе треба да се инсистира и другио дел од албанскиот блок да влезат за да има стабилна влада. Имаат шанси и едните и другите и СДСМ и ВМРО, но оваа шанса сметам дека СДСМ не треба да ја пропушти.

-Нема да зависат работите само од желбите на политичките партии и мислам дека не треба да се занемари меѓународната заедница. Алијансата сметам дека има простор да калкулира при нивното вклучување во влада, изјави во Утрински брифинг д-р Илир Љума екс претседател на ПДП.

За новинарот Назим Рашиди, ако се погледнат бројките, резултатот е изненадување, пред се за македонскиот блок, бидејќи во сите калкулации, смета Рашиди, никој не предвидуваше дека двете партии од македонскиот блок ќе земат толку малку пратеници.

-Се зборуваше дека без разлика која ќе победи, резултатот ќе биде околу 50 пратеници. И така се случува овој „шок“. Албанците на последните избори имаа само 20 пратеници а сега имаат скоро над 30. И ако не е грешка во системот, како што се сугерира на некој начин, тогаш ова изненадување го произведе Донтовиот модел, но и големиот напор кој ДУИ го направи за да ги зачува гласовите па дури и во споредба со минатите избори, да има повеќе гласови. Ова е првиот моментум. Вториот моментум е што речиси сите албански партии имаат причина за некакво задоволство. Во сите калкулации, тие не очекуваа вакви бројки.

-Мислам дека фактот што имаше помалку албански листи и гласовите не се расцепија. Во еден дел се гласовите за Албанците кои гласаа за Беса и СДСМ кои се во еден блок и потоа другите Алијансата и ДУИ кои беа само два различни. Порано имаше повеќе албански партии и гласовите беа расцепкани. Треба да се признае дека и кампањата на ДУИ и борбата да ги зачува позициите, вроди со плод.

-Во Албанскиот блок ако се гласаше по симпатија, гласовите ќе одеа кај Алијансата, но на крај на денот важат веројатно други аргументи и интереси па се случи тоа што се случи.

-[Непојавувањето на Мицкоски по резултатите] Малку ми личи на изборите во Америка кога Хилари Клинтон не излезе во јавноста кога Трамп победи на изборите. ВМРО ДПМНЕ со оваа разлика можеби ќе преговара со албанскиот блок партии но тоа би значело дека ќе треба да вклучи повеќе албански партии, а ако такво нешто се случи, во очите на нивните македонски гласачи, тоа можеби поинаку би изгледало. Нема да му биде лесно ниту на СДСМ, би следеле некакви деликатни преговори.

-Една опција е поширока влада со европски предзнак, бидејќи преговорите со ЕУ ќе предничат на агендата, но да ги почекаме конкретните бројки, кога повеќе работи ќе бидат јасни.

-Во македонскиот политички фолклор веќе е видено дека за време на кампања има остра реторика а кога преговараат дека полесно оди тоа бидејќи народот така решил. Мислам дека Заев ќе ја надмине својата реторика дека ДУИ треба да оди во опозиција, но каков резултат ќе има во реалните преговои и до каде ќе се оди во поделбата на власта тоа е веќе друго прашање, изјави во Утрински брифинг новинарот Назим Рашиди.