Европската комисија денеска соопшти дека неприфатливо е насилството како одговор на ескалираните антивладини протести во Хонг Конг и властите ги повика да делуваат „строго сразмерно”.

– Видовме извештаи дека полицијата апси медицински персонал додека се обидува да пружи помош на повредените, што е извор за длабока загриженост, изјави на брифинг портпаролката на високата претставничка на ЕУ за надворешна политика и безбедност, Маја Коцијанчиќ, пренесена од британските медиуми.

Според неа, секое насилство е неприфатливо и било каква акција на органите за спроведување на редот мора да остане строго сразмерна на однесувањето на демонстрантите, но мора да се почитуваат и темелните слободи, вклучувајќи го и посебното право на мирно собирање и изразување.

Коцијанчиќ изјави дека ЕК ги повика сите страни да се воздржат и вклучат во напорите за смирување на ситуацијата.