Велешкиот градоначалник, Аце Коцевски во „Утрински брифинг“ на „Слободна ТВ“ говореше за тоа како Велес се справува со кризата од коронавирусот.

-Од минатиот петок сум во карантин, но благодарение на современата технологи може и да се работи од дома. Се обидуваме Велес да функционира колку што е тоа можно и се надевам дека тоа го правиме со успех. Постои вознемираност во градот. Моја желба до министерот е да се земат повеќе брисeви и така би придонеле да се намали паниката и спречување на ширење на вирусот, вели Коцевски.

Тој повика на солидарност и поддршка за заболените од коронавирус.

-Морам да напоменам, дека во ниеден случај не смееме да ги стигматизираме заболените од вирусот. Треба да ги охрабриме и поддржиме што побрзо да се справат со вирусот, изјави Коцевски.