Коца: Истамбул е турски Вухан
Според последните податоци, во Турција потврдени се вкупно 101.790 случаи на корона, а починале 2.491 заболено лице.
Турскиот министер за здравство, Фахретин Коца, го спореди Истамбул со кинескиот град Вухан кој беше најголемото жариште на корона вирусот во Кина и од каде што почна да се шири Ковид – 19.
Коца тврди дека овој град е главен епицентар на заразата во Турција.
– Истамбул е турски Вухан, истакнал Коца во интервју за провладиниот весник Сабах, тврдејќи дека ширењето на Ковид – 19 во овој турски град е ставено под контрола и се следат контактите, а процесот го спроведува тим од експерти.
– Тие ги следат трагите како медицински детективи, рекол Коца, додавајќи дека во спротивно би било тешко да се стави под контрола ситуацијата со вирусот во овој град.
Според последните податоци, во Турција потврдени се вкупно 101.790 случаи на корона, а починале 2.491 заболено лице.