СВР Тетово информира дека се приведени двајца осомничени кои рано утрово оштетиле казино во градот и се однесувале агресивно кон вработените.

„Полициски службеници на СВР Тетово околу 5 часот и 50 минути на улица „121“ во Тетово ги привеле Е.М.(42) од Тетово и А.М.(29) од тетовско Боговиње, кои во казино го нарушиле јавниот ред и мир, се однесувале агресивно и оштетиле дел од опремата во објектот“, велат од тетовската полиција.

Се преземаат мерки за расчистување и документирање на случајот и против двајцата ќе следуваат поднесоци, информира портпаролот на СВР Тетово, Марјан Јосифоски.

Сличен случај во Тетово имаше и пред неколку месеци, кога двајца играчи, нервозни поради тоа што изгубиле пари, повредија полицајци, обидувајќи се да го запалат казиното со молотови коктели.