КНИЖЕВНА КЛАСИКА: „Небеска Тимјановна“ од Петре М. Андреевски
Издавачкиот центар „Три“ го објави познатиот роман „Небеска Тимјановна“ на еден од најзначајните и најдаровити македонски поети и раскажувачи Петре М. Андреевски (1934-2006).
Романот се занимава со човечката димензија во време на војна, раскажан со гласот на Небеска Тимјановна, главниот женски лик и водечка сила во приказната. Таа е карактер што жилаво се бори против окупаторот и се издигнува до архетип на храброста. Фигура што пренесува трајна вредност за тоа што значи да се биде жена и мајка во македонската книжевност.
Збогатувајќи ја македонската книжевност со „Небеска Тимјановна“, авторот со својата мајсторија и моќ одново ја покажува и докажува силната желба да се биде признат во и преку јазикот. Со приказ на тогашната социјална и политичка состојба, Андреевски ја нагласува потребата на секој човек да го потврди својот идентитет.
(Текстот е објавен во „Културен печат“ број 22, во печатеното издание на „Слободен печат“ на 14-15 март 2020)