Kнигата „Азбуката на Моркел“ од Стијан Холе носи приказна за пријателството
Издавачката куќа „Артконект“ ја објави книгата „Азбуката на Моркел“ од Стијан Холе. Станува збор за моќна приказна за пријателството и за работите што нè поврзуваат.
Во оваа волшебно илустрирана книга, Ана наоѓа зборови напишани на хартија и оставени за неа на полето. Кој ли ги остава?, се прашува Ана. Тоа е Моркел, кој на тој начин сè повеќе се зближува со неа. Книгата е едно прекрасно патување за деца над седум години, но сосема е соодветна и за повозрасни читатели.
Стијан Холе е познат норвешки илустратор и автор на книги. Преводот од норвешки јазик е на Јасминка Марковска. Книгата е дел од проектот „Пораки на надеж: инспиративна европска литература“, поддржан од „Креативна Европа“ на Европската Унија.
(Текстот е објавен во „Културен печат“ број 117, во печатеното издание на весникот „Слободен печат“ на 19-20 февруари 2022)