Двајца вископоставени лица од американското разузнавање, Мајкл Морел и Еврил Хејнс, се главните кандидати за функциите директор на Националното разузнавање и Централната разузнавачка агенција во администрацијата на новоизбраниот претседател Џо Бајден, изјавија неколку актуелни и поранешни разузнавачи.

Морел работеше како заменик на директорот на ЦИА во администрацијата на Обама од 2010 до 2013 година, и двапати ја исполнуваше и функцијата директор на ЦИА.

Хејнс беше заменичка на директор на ЦИА и заменик на советникот за национална безбедност на поранешниот претседател Барак Обама.

Некои демократи изразија скептицизам по повод кандидатурата на Морел, бидејќи тој служеше во ЦИА кога агенцијата употребуваше таканаречени „раширени методи на распит” во однос на осомничените исламистички борци. По сенатската истрага спроведена од Комитетот за разузнавање, таквите методи беа изедначени со тортура

Хејнс дошла во ЦИА веќе откако претседателот Обама ги забрани таквите методи на распит во 2009 година.Таа учествуваше во подготовката на одговорот на ЦИА на истрагата на Сенатот.

Извор:МИА