Претставниците на кошаркарските екипи денеска се договорија да ги намалат платите на кошаркарите се додека не стартува сезоната која веќе два пати беше одложена поради позитивни случаи на коронавирус.

Претставниците на клубовите на денешниот состанок се договорија кошаркарите да земаат само 25% од договорените плати се до почетокот на Првата лига.

Исто така тие бараат во најитен можен рок да започне новата сезона,  да се изготви протокол за натпреварување заедно со Институтот за јавно здравје и Комисијата за заразни болести, а доколку здравствените иституции  одлучат дека нема услови за нормално одвивање на првенството, тогаш првиот дел од сезоната да се одигра во „меур“.

Токму челниците на Кошаркарската федерација на Македонија (КФСМ) на последниот состанок со прволигашите предложија првиот дел од сезоната да се одигра во „меур“, но нивниот предлог беше одбиен од клубовите иако според КФСМ тоа беше идеално решение.

КФСМ има резервен план доколку се појават проблеми со коронавирусот во мак баскетот