Клуб од шпанската „Ла Лига“ со интерес за Дарко Велковски!?
Заврши Европското првенство за македонската А репрезентација, но активно е на фудбалскиот трансфер пазар во пресрет на новата натпреварувачка сезона.
Дарко Велковски, еден од столбовите во одбраната на нашата А селекција беше стартер на сите три натпревари од групата „Ц“ на континенталниот собир против Австрија, Украина и Холандија.
26-годишниот централен бек моментно ги брани боите на Риека со кој има договор до 15 јуни 2022 година. Пред да се пресели во Хрватска настапуваше за Работнички и Вардар.
Денеска како што пренесува шпанскиот медиум „Grada3“, интерес за македонскиот репрезентативец интерес покажува Алавес. Оваа екипа годинава успеа да го обезбеди опстанокот во елитата, освојувајќи го 16 место со 38 бодови.
Во најсилното шпанско првенство следната сезона ќе настапуваат тројца наши репрезентативци, Енис Барди (Леванте), Александар Трајковски (Мајорка) и Столе Димитриевски (Рајо Ваљекано).