Ливерпул во следната сезона ќе биде посилен за одличниот германски репрезентативец, Тимо Вернер.

Според анонимни германски извори, Вернер веќе има закажано лекарски прегледи во приватна болница во Германија, по што ќе следи и официјализација на трансферот во сè уште актуелниот европски шампион.

Финансиските детали не се познати, но изворите тврдат дека е постигнат договор за платата на одличниот напаѓач, додека во завршна фаза се и преговорите помеѓу Ливерпул и Лајпциг за висината на обесштетувањето.

Пред да се појави пандемијата на коронавирусот која го запре спортот и екипите ги влече кон финансиска криза, Лајпциг бараше најмалку 80 милиони евра за својот напаѓач, но сега се лицитира со сума од 60 милиони евра која е Ливерпул е согласен да ја плати.

Сезонава Тимо Вернер одигра 36 натпревари за Лајпциг на кои даде 27 гола и има 12 асистенции.