Клоп не е сигурен дека Ливерпул ќе освои четири трофеи сезонава
Менаџерот на Ливерпул, Јирген Клоп е задоволен од пласманот на неговиот тим во финалето на ФА Купот откако во полуфиналето до 3:2 го совлада Манчестер сити.
Ливерпул во финалето го очекува подобриот од дуелот меѓу Челси и Кристал Палас кој се игра денеска.
Клоп и Ливерпул веќе освоија еден трофеј сезонава, триумфираа во Лига Купот и се во игра за освојување на уште три.
Освен пласманот во финалето на ФА Купот, Ливерпул ќе игра во полуфиналето од Лигата на шампионите против Виљареал, а во трката за титулата во Премиер лигата има само еден бод помалку од лидерот Манчестер сити. Поради битката на трите фронта и згуснатиот распоред, Клоп не е сигурен дека Ливерпул ќе успее да ги освои преостанатите три трофеи.
– За неколку дена не очекува тежок натпревар против Евертон. Потоа следува дуелот со Виљареал. И тоа е исто така неверојатно тежок натпревар бидејќи е полуфинале во ЛШ, а потоа ни следува меч со Њукасл. Имаме неверојатно згуснат распоред и тешко дека Ливерпул ќе победи на сите натпревари. Ние ќе одиме еден по еден натпревар, но ќе биде навистина тешко – вели Клоп.