Клоп направи револуција во Ливерпул
Голманот на новиот англиски шампион Алисон Бекер има само пофални зборови за својот тренер.
Ливерпул по пауза од дури 30 години конечно стана англиски шампион, а еден од фудбалерите кои се најзаслужни за освојување на титулата е голманот Алисон Бекер.
– Кога потпишав за Ливерпул, мојата опсесија беше да триумфираме во Лигата на шампионите. Но, штом пристигнав во клубот сфатив колку е важна Премиер лигата, колку е голема желбата да се освои тој трофеј и колку ги боли нашите навивачи да чекаат толку долго. Поради тоа, токму Премиер лигата ми стана опсесија и примарна цел – вели Бекер.
Голманот на бразилската репрезентација на „Енфилд“ пристигна 2018 година од Рома и сите заслуги за игрите на екипата, како и трофеите му ги припишува на менаџерот Јирген Клоп.
– Клоп не тренира идентично сите. Никој не е посебен за него, секој играч во тимот и подеднакво важен. Од тие кои ги играат речиси сите натпревари па се до оние кои воопшто не играат. Покрај тоа имаме и екипа со која е лесно да се дели соблекувалната. Нема ниту еден фудбалер со изразено его и да мисли дека е над тимот. Мислам дека тоа е одраз на големината на екипата и на тоа што Клоп го донесе. Клоп направи револуција во Ливерпул – вели Бекер во интервјуто за АП.