Клоп одлучи да му одговори на поранешниот англиски судија Марк Клатенбург кој го обвини Германецот дека е лицемер и се обидува да врши притисок над судиите пред големото дерби.

– Клоп звучи како лицемер кога вели дека играчите на Јунајтед едвај чекаат да паднат и да изнудат пенал. Може да се каже дека иста работа прават и Салах и Мане. Мислам дека уште од сер Алекс Фергусон не постоеше тренер кој сака да врши така силен притисок врз судиите. Минатата година кога Ливерпул победуваше се беше во ред, а сега почна да игра психолошки игри – изјави меѓу другото Клатенбург.

Клоп звучи како лицемер, врши притисок на судиите како Фергусон

Сега Клоп не му остана должен на поранешниот судија.
– Не сум изненаден што ги коментираат моите зборови, тоа зборува повеќе за него отколку за мене. Можеби тој во мојата позиција би играл некои психолошки игри, јас немам такви вештини – вели Клоп.

Менаџерот на Ливерпул исто така истакна дека кога зборуваше за пеналите воопшто на ум го немал претстојниот натпревар против Манчестер јунајтед.
– Јас не сум Алекс Фергусон и немам скриени намери. Директно сум прашан по нашиот натпревар со Саутемптон и дадов директен одговор. Таа статистика за пеналите ја видов пред натпреварот со Саутемптон кој се играше на 4. јануари. Во тие моменти воопшто не размислував за натпреварот против Манчестер јунајтед – додава Клоп.