Клоп: Мбапе во Ливерпул? Па, него никој не може да го купи! – Слободен печат
СпортФудбал

Клоп: Мбапе во Ливерпул? Па, него никој не може да го купи!

Веќе подолго време се актуелните гласини за трансфер на Килијан Мбапе во Реал Мадрид наредното лето, иако ПСЖ според француските медиуми, нема намера да го пушти за помалку од 300 милиони евра.

Во петокот се појавија шпекулации и за интересот на Ливерпул за францускиот напаѓач, па новинарите го прашаа менаџерот Јирген Клоп за коментар, а тој брзо ги реши сите дилеми: „Нема никакви шанси“.

– Од спортски агол, нема многу причини да не се купи. Каков играч! Секако, станува збор за пари. Нема шанси, апсолутно никакви шанси – рече Клоп, па додаде дека истиот одговор се однесува и на сите клубови во светот кои би ја посакувале оваа млада суперѕвезда на ПСЖ.

– Не гледам ниту еден клуб во светот кој би можел да го откупи од ПСЖ. Ниту еден! Тоа е едноставно така – додаде германскиот менаџер на Редси.

„Л`Екип“ објави дека Парижаните ги започнале преговорите со Мбапе за нов договор според кој треба да му се удвои сегашната годишна заработка која изнесува 17,5 милиони евра.

Но, Мбапе воедно не крие дека би сакал да си замине од Париз, односно сака еден ден да направи трансфер во Реал Мадрид.

Имаше можност за такво нешто и кога си заминуваше од екипата на Монако, но сметаше дека е премногу млад и прво сакаше целосно да се афирмира во својата земја, знаејќи дека интересот на „кралскиот“ клуб нема да исчезне.

Свесен за тоа е и тренерот на Реал, Зинедин Зидан, кој и јавно призна дека голема желба му е неговиот сонародник.

– Секогаш говореше дека желба му е да игра за Реал – рече неодамна Зидан.

Но, без оглед на взаемната желба, нема да биде лесно ниту за Реал да издвои 300 милиони за еден играч. Како што вели и самиот Клоп, нема да биде само едноставно, туку и невозможно.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close